ანსამბლი "ბასიანი" განცხადებას ავრცელებს და სოლისტის, გიორგი ხუნაშვილის ჯანმრთელობის შესახებ ახალ ინფორმაციას ავრცელებს.

"ჩვენი ანსამბლის სოლისტს და მეგობარს, გიორგი ხუნაშვილს კორეაში შეექმნა ჯანმრთელობის პრობლემა, გადავიყვანეთ კლინიკაში, გაუკეთდა აპენდექტომია.

ექიმები ყველაფერს აკეთებენ მისი გამოჯანმრთელებისთვის.

გთხოვთ, თავი შეიკავოთ არასწორი ინფორმაციის გავრცელებისგან, ყველა მნიშვნელოვან ამბავს მისი ჯანმრთელობის შესახებ შეგატყობინებთ.

მადლობა მხარდაჭერისთვის, ყველაფერი კარგად იქნება.

ხუნა", - ნათქვამია "ბასიანის" განცხადებაში.

მანამდე სოციალურ მედიაში გავრცელდა ინფორმაცია, რომ მუსიკოსი კორეაში გასტროლზე გახდა ცუდად, პერიტონიტის დიაგნოზით და არის კომაში.