კოპენჰაგენში ისრაელის საელჩოსთან ორი აფეთქება მოხდა. ინფორმაციას ამის შესახებ ადგილობრივი პოლიცია ავრცელებს.

პოლიციის ცნობით, მიმდინარეობს გამოძიება, დაღუპულების ან დაშავებულების შესახებ კი ინფორმაცია ჯერჯერობით არ გავრცელებულა.

„მიმდინარეობს გამოძიება. მოწმდება შესაძლო კავშირი ისრაელის საელჩოსთან, რომელიც მდებარეობს ტერიტორიაზე“, –  ნათქვამია პოლიციის განცხადებაში.

მედიის ცნობით, კოპენჰაგენში ისრაელის საელჩო მდებარეობს რამდენიმე სხვა ქვეყნის საელჩოებისა და საკონსულოების გვერდით. ამავე ტერიტორიაზე არის რუმინეთისა და ტაილანდის, ასევე ირანისა და თურქეთის საელჩოები.