18 აგვისტოს, Black Sea Arena Front Stage-ი, ბრიტანული ელექტრონული მუსიკის პროექტს Jungle-ს დაეთმობა, რომელიც ლონდონში ბაზირებულმა მუსიკოსებმა Josh Lloyd-Watson-მა და Tom McFarland-მა 2013 წელს შექმნეს.

ბილეთები უკვე ხელმისაწვდომია ვებგვერდზე TKT.ge. გაითვალისწინეთ, რომ ერთ მომხმარებელს მხოლოდ 4 ბილეთის შეძენა შეუძლია. ბილეთის ფასი 200 ლარია, თუმცა Starring Georgia -ს, TBC-სა და VISA-ს პარტნიორობის ფარგლებში რამოდენიმე ტიპის ფასდაკლება მოქმედებს:

-20% თიბისის Visa სადებეტო ბარათებით შეძენისას;

-30% თიბისის მოსწავლის და სტუდენტის Visa ბარათებით შეძენისას;

-15% თიბისი განაწილებით გადახდისას.

ბრიტანული ელექტრონული მუსიკის პროექტმა პირველი მნიშვნელოვანი კომპოზიცია Busy Earnin’ 2014 წლის აპრილში გამოსცა.  Nu Disco და Funk ჟღერადობით შთაგონებული მუსიკოსების შემოქმედება მაშინვე მოექცა მსმენელისა და მუსიკალური კრიტიკოსების ყურადღების ცენტრში. რამაც განაპირობა მათი მონაწილეობა ყველასთვის ცნობილ  ბრიტანულ ფესტივალზე, Glastonbury, 2015 წელს. მას შემდეგ ჯგუფი აქტიურად გვხვდება მსოფლიოს ცნობილ ფესტივალებსა თუ საკონცერტო დარბაზებში, სულ ბოლოს კი  ისინი აშშ-ში Coachella-ს ფესტივლაზე ვიხილეთ.

2018 წელს გამოცემული Casio კი დღემდე ბენდის ერთ-ერთ გამორჩეულ კომპოზიციად ითვლება და არ კარგავს აქტუალურობას.

უკვე მე-2 წელია, საქართველოს მთავრობის მხარდაჭერით, Black Sea Arena საქართველოში მასშტაბურ კამპანიას - Starring Georgia - ს აგრძელებს. კამპანიის მთავარი მიზანია ხელმისაწვდომი გახადოს ქართველი ახალგაზრდებისთვის საკუთარ ქვეყანაში მათი საყვარელი მუსიკოსების მოსმენა, განავითაროს ქვეყნის გასართობი ინდუსტრია და ხელი შეუწყოს საქართველოს პოპულარიზაციას. Starring Georgia-ს 2023 წლის სეზონზე საქართველომ არაერთ მეგა-ვარსკვლავს უმასპინძლა. როგორც თბილისში, ასევე შეკვეთილში, მსმენელს საშუალება ქონდა მოესმინა ისეთი ცნობილი მუსიკოსებისთვის როგორებიც არიან: „Bruno Mars“, „Imagine Dragons “„The Killers“, „Damian Lazarus“, “All Day I Dream“.