"ავჭალაზე" ჩატარებულ მეორე ტესტ-მატჩში "უმცროსმა ბორჯღალოსნებმა" ინგლისის 20-წლამდე ნაკრებს 40:38 სძლია.

ამ გუნდების პირველი შეხვედრა ლადო კილასონიას გუნდმა დაძაბულ ბრძოლაში 36:41 წააგო და დღესაც საინტერესო თამაში იყო. თავიდან მეტოქე 14:0 დაწინაურდა, პირველი ტაიმი 24:21 მოიგო, საბოლოო გამარჯვება კი ქართველმა მორაგბეებმა მოიპოვეს.

საქართველოს 20-წლამდე ნაკრებმა, რომელსაც რამდენიმე ლეგიონერი დაემატა, ძლიერ მეტოქეს 6 ლელო გაუტანა.

ისტორია კიდევ ერთხელ დაიწერა! ირლანდიის, შოტლანდიის, არგენტინის და იაპონიის შემდეგ, "უმცროსმა ბორჯღალოსნებმა" ინგლისი დაამარცხა და სამხრეთ აფრიკაში ახალგაზრდულ მსოფლიოს ჩემპიონატზე გაემგზავრება.

საქართველო U20 – ინგლისი U20  40:38

6 ლელო: ხუროშვილი, ხუციშვილი, ლომიძე, კოტორაშვილი, დვალი (2)

5 გარდასახვა: ხუციშვილი (4), ხელაძე