ინდოეთის პრემიერ-მინისტრმა ნარენდრა მოდიმ რუსეთის პრეზიდენტს ვლადიმერ პუტინს განუცხადა, რომ ინდოეთს სჯერა კონფლიქტების მშვიდობიანი გადაწყვეტის, რაც რუსეთ-უკრაინის ომის საკითხს ეხება. როგორც ცნობილია, 23 ოქტომბერს, ნარენდრა მოდი პუტინს ყაზანში მიმდინარე BRICS-ის სამიტის ფარგლებში შეხვდა. 

"რუსეთ-უკრაინის კონფლიქტის ყველა მხარე განვიხილეთ. ჩვენი პოზიცია ყოველთვის იყო, რომ ყველა კონფლიქტი შეიძლება მოგვარდეს დიალოგით. გვჯერა, რომ კონფლიქტები მშვიდობიანი გზით უნდა დასრულდეს. ინდოეთი ყოველთვის მზადაა, ხელი შეუწყოს მშვიდობის დამყარებას,“ - განაცხადა მოდიმ.