ცენტრალური ბანკის ცნობით, უცხოეთიდან საქართველოში ფულადი გზავნილების 94.6 პროცენტი იმ 20 უმსხვილეს პარტნიორ ქვეყანაზე მოდის, საიდანაც გზავნილების მოცულობა იანვარში თითოეულზე 1 მლნ აშშ დოლარს აღემატებოდა. იმავე 20 ქვეყანაზე გასული წლის იანვარში მთელი ფულადი გზავნილების 95.1 პროცენტი მოდიოდა.

„გზავნილების სტატისტიკის მიხედვით, ყველაზე მეტი თანხა იტალიიდან გადმოირიცხა – 33.33 მლნ აშშ დოლარი. მეორე ადგილზეა რუსეთის ფედერაცია 22.38 მლნ აშშ დოლარით. მესამე ადგილს იკავებს აშშ 20.30 მლნ აშშ დოლარით, მეოთხეზეა საბერძნეთი – 16.89 მლნ აშშ დოლარით, ხოლო მეხუთეზე ისრაელი – 14.91 მლნ აშშ დოლარით“, – აღნიშნულია ინფორმაციაში.

ამასთან, ეროვნული ბანკის  ცნობით, 2022 წლის იანვარში საქართველოდან საზღვარგარეთ 23.3 მლნ აშშ დოლარი, ანუ 71.8 მლნ ლარი გადაიგზავნა, რაც 2021 წლის იანვრის ანალოგიურ მაჩვენებელთან შედარებით 35.3%-ით მეტია.