გორის „დილა“ ეროვნული ლიგის მე-20 ტურში „თელავს“ გორში, თენგიზ ბურჯანაძის სახელობის სტადიონზე დაუპირისპირდება. შეხვედრის დაწყებამდე გულშემატკივრის წინაშე 2024 წლის პარიზის ოლიმპიადის გამარჯვებული გენო პეტრიაშვილი წარსდგება, „დილა“ კი მას, სიმბოლურად, საგანგებოდ მისთვის შექმნილ მაისურს გადასცემს.

ქართველი თავისუფალი სტილით მოჭიდავე 2024 წლის პარიზის ოლიმპიური თამაშების ჩემპიონი გახდა, მანამდე პეტრიაშვილი 2016 წლის რიოს ოლიმპიური თამაშების ბრინჯაოსა და 2020 წლის ტოკიოს ოლიმპიური თამაშების ვერცხლის პრიზიორი იყო. ამას გარდა, გენო ევროპის ორგზის (2016, 2020) და მსოფლიოს სამგზის ჩემპიონია (2017, 2018, 2019).

„დილასა“ და „თელავის“ მატჩი თენგიზ ბურჯანაძის სახელობის სტადიონზე 17 აგვისტოს, 21:00 საათზე დაიწყება.