„დიდი დანაკლისია სვანეთისთვის და სრულიად საქართველოსთვის.

გარდაიცვალა ანსამბლ „რიჰოს” ერთ-ერთი უხუცესი თვალსაჩინო წევრი, სვანური სიმღერის უბადლო შემსრულებელი მურად ფირცხელანი” – ამის შესახებ ფოტოგრაფი გიორგი ნიკოლავა სოციალურ ქსელში წერს.

მისი თქმით, განუზომელია მურად ფირცხელანის წვლილი სვანური სიმღერის პოპულარიზაციაში:

„დიდი დანაკლისია სვანეთისთვის და სრულიად საქართველოსთვის, გარდაიცვალა ანსამბლ „რიჰოს” ერთ-ერთი უხუცესი თვალსაჩინო წევრი სვანური სიმღერის უბადლო შემსრულებელი მურად ფირცხელანი.

განუზომელია მურად ფირცხელანის წვლილი სვანური სიმღერის პოპულარიზაციაში.

უფალმა ნათელი სასუფეველი დაუმკვიდროს.

მურად ფირცხელანი ხოჩა ლაქუნო ჯარ” – წერს ნიკოლავა.

მურად ფირცხელანის გარდაცვალების გამო სამძიმრის წერილს ავრცელებს „სვანეთინიუსიც”:

„ანსამბლი „რიჰოს” ერთ-ერთი უხუცესი წევრი, მურად ფირცხელანი გარდაიცვალა…უდიდესი დანაკლისია ეს ძვირფასი ადამიანი მთელი სვანეთისთვის და სვანური ფოლკლორისთვის…ვიზიარებთ მწუხარებას…” – წერს „სვანეთინიუსი”.