სასწავლო დაწესებულებაში დილიდან სასწავლო პროცესი ჩაიშალა. საჭირო გახდა მოსწავლეებისა და მასწავლებლების ევაკუაცია. 

ერთ-ერთი ვერსიით, მიზეზი 112-ში შესული ზარი გახდა, ასაფეთქებლის არსებობის შესახებ.

გავრცელებული ინფორმაციით, სტუდენტებისა და მოსწავლეების ევაკუაცია განხორციელდა თბილისის თავისუფალ უნივერსიტეტსა და თავისუფალ სკოლაშიც.

როგორც თავისუფალი უნივერსიტეტის სტუდენტებმა “სფეისნიუსს” განუცხადეს, სალექციო საათში განგაშის სიგნალები ჩაირთო, რის შედეგადაც სტუდენტების ევაკუაცია განხორციელდა. 

ამ დროისთვის უცნობია, სასწავლო პროცესი განახლდება თუ არა.