ფეხბურთის საერთაშორისო ფედერაციამ (ფიფა) თავის ოფიციალურ ვებგვერდზე წარადგინა მსოფლიოს 2026 წლის ჩემპიონატის ლოგო. ტურნირი ამერიკის შეერთებულ შტატებში, კანადასა და მექსიკაში გაიმართება.

ლოგოზე წარმოდგენილია მსოფლიო ჩემპიონატის თასი პრინტის ფონზე, რომელიც შექმნილია 26 სხვადასხვა ფერის მრავალჯერადად გამეორებით. ლოგო ოფიციალურად წარადგინეს აშშ-ის ქალაქ ლოს ანჯელესში გამართულ ღონისძიებაზე. ფიფა-მ ასევე გამოაცხადა, რომ უახლოეს პერიოდში წარმოდგენილი იქნება თითოეული მასპინძელი ქალაქის ლოგო. ჩემპიონატს აშშ-ის, კანადისა და მექსიკის 16 ქალაქი უმასპინძლებს.

მსოფლიოს 2026 წლის ჩემპიონატი პირველი იქნება ისტორიაში, რომელშიც 48 გუნდი მიიღებს მონაწილეობას.