საქართველოდან 2024 წლის 8 თვეში 215.2 ათასი აშშ დოლარის 23.7 ტონა თაფლი გაიყიდა. გასული წლის ანალოგიურ პერიოდთან შედარებით შემცირება თანხაში 55%-მდეა, მოცულობაში კი, 64.4%.

საექსპორტო ჩამონათვალში ევროკავშირის ქვეყნებიდან მხოლოდ ლატვიაა მეშვიდე ადგილზე.

გასული წლის საექსპორტო ხუთეული კი ასეთი იყო: ჩეხეთი, საფრანგეთი, ბულგარეთი, ლიბანი, არაბთა გაერთიანებული საამიროები.

98%-ით შემცირდა ექსპორტი ევროკავშირის ქვეყნებში. წელს, საქართველომ EU-ს 27 ქვეყანაში 6.5 ათასის ნატურალური თაფლი გაიტანა.

აღსანიშნავია, რომ თავის მხრივ ზოგადი ექსპორტი 30%-ით იყო შემცირებული გასულ, 2023 წლის 8 თვეში 2022 წელთან შედარებითაც. EU-ში ექსპორტი კი, 43.3%-ით.

სტატისტიკის ეროვნული სამსახურის მონაცემებით, 2024 წლის იანვარ-აგვისტოში საქართველოდან ექსპორტი განხორციელდა:

• არაბთა გაერთიანებული საამიროები - 99.9 ათასი აშშ დოლარის 7 ტონა;
• აშშ - 34.1 ათასი აშშ დოლარის 3.2 ტონა;
• აზერბაიჯანი - 25.8 ათასი აშშ დოლარის 7.7 ტონა;
• ერაყი - 21.8 ათასი აშშ დოლარის 2.9 ტონა;
• იაპონია - 10.1 ათასი აშშ დოლარის 600 კგ.