ოკუპირებული აფხაზეთის ე.წ. საგარეო საქმეთა სამინისტრომ განაცხადა, რომ ინალ არძინბა რუსეთის „ელჩს“ მიხეილ შურგალინს ოკუპირებული აფხაზეთიდან გაძევებით არ დამუქრებია.

მათ კომენტარი გააკეთეს Youtube-ზე გამოქვეყნებულ აუდიო ფაილზე სათაურით: „გაგაძევებთ აფხაზეთიდან – ემუქრება ინალ არძინბა რუსეთის ელჩს“. ტელეგრამის არხი „Legitimny“ აცხადებს, რომ უკრაინის სპეცსამსახურებმა „წარმატებული სპეცოპერაცია ჩაატარეს და მიიღეს ჩანაწერი დახურული შეხვედრის შესახებ“ არძინბასა და საერთაშორისო ორგანიზაციების წარმომადგენლებს შორის.

„კიდევ ერთი სიყალბე. ეს აუდიო ჩანაწერი აფხაზეთის საგარეო საქმეთა მინისტრთან ინალ არძინბასთან დახურული მოლაპარაკების დროს გაკეთდა. მეორე ნაწილში ინალ არძინბა გაეროს განვითარების პროგრამის მენეჯერის ვარდონ ჰოჯის შესაძლო გაძევებაზე საუბრობს. საინტერესოა, როგორ აღმოჩნდა თანამედროვე უკრაინის ნეონაცისტურ გამოცემებში საერთაშორისო ორგანიზაციების წარმომადგენლებთან მოლაპარაკების აუდიოჩანაწერი?“ - ნათქვამია ოკუპირებული აფხაზეთის ე.წ. საგარეო საქმეთა სამინისტროსინფორმაციაში.

გარდა ამისა, სოციალურ ქსელებში გამოქვეყნდა დოკუმენტი, რომელშიც ინალ არძინბა მიმართავს დეფაქტო ლიდერს ასლან ბჟანიას ფსოუს საგუშაგოზე მოქალაქეების დაკავებასთან დაკავშირებით და ამბობს, რომ რუსეთის ელჩი „არანაირად არ მონაწილეობს ამ საკითხის მოგვარებაში. .”

ე.წ. საგარეო საქმეთა სამინისტრო აცხადებს, რომ „პროვოკაციული დამახინჯებული მასალები ჩნდება მტრის ქვეყნების არასანდო წყაროებში, რომლებიც მკაფიო სურათს იძლევა საერთაშორისო არასამთავრობო ორგანიზაციების მთელი ეკოსისტემის მუშაობის შესახებ“.