პოლონეთის ქალაქ პილაში მიმდინარე 23-წლამდელთა ევროპის ჩემპიონატზე ძიუდოში მძიმეწონოსანი ირაკლი დემეტრაშვილი ფინალში იჭიდავებს.

ქართველმა ნახევარფინალში გერმანიის სახელით გამომსვლელი დანიელ უძილაური დაამარცხა და ოქროს მედლისთვის აზერბაიჯანელ ან პოლონელ ძიუდოისტს დაუპირისპირდება.

ტურნირის ნახევარფინალში არიან გასულები გიორგი ჯაბნიაშვილი (90კგ), კოტე კაპანაძე (81კგ) და მიხეილ ჯაფარიძე (100კგ). დღეს გამომსვლელი კიდევ ერთი ქართველი აკაკი ჯაფარიძე (90კგ) ბრინჯაოს მედლისთვის იბრძოლებს.

შეგახსენებთ, რომ კონტინენტის პირველობის პირველ დღეს საქართველოს ნაკრების წევრებმა სამი მედალი მიიღეს. გიორგი ტერაშვილმა (73 კგ) ოქროს მედალი მოიპოვა, ვერცხლს ნინო ლოლაძე (57კგ) დაეუფლა, ბრინჯაოს კი – თენგო ზირაქაშვილი (66კგ).