ამერიკის შეერთებულ შტატებში ლიგების თასზე მეორე მატჩი ჩაატარა „ინტერ მაიამიმ“. 

მან საკუთარ მოედანზე 4:0 დაამარცხა „ატლანტა იუნაიტედი“.

მაიამელთა რიგებში დუბლი შეასრულა ლიონელ მესიმ. არგენტინელს ასევე ერთი შედეგიანი გადაცემა ჰქონდა. ასევე დუბლი გაიფორმა ნახევარმცველმა რობერტ ტეილორმა.

მესი პირველად იწყებდა შეხვედრას „ინტერ მაიამის“ სასტარტო შემადგენლობაში. ის 78-ე წუთზე შეცვალეს.

„ინტერ მაიამი“ შეხვედრას უმცირესობაში ასრულებდა. მატჩის ბოლოს წითელი ბარათი მიიღო კრისტოფერ მაკვეიმ, მაგრამ „ატლანტამ“ პენალტის რეალიზება ვერ შეძლო.