დინამო ბათუმმა და გიორგი ჭიაბრიშვილმა მთავარი მწვრთნელის პოსტის სტატუსზე შეთანხმებას მიაღწიეს.

როგორც Geo Team-ი წერს, გიორგი ჭიაბრიშვილი ბათუმში ხვალ დილით გაემგზავრება.

შეგახსენებთ, რომ 45 წლის გიორგი ჭიაბრიშვილი საქართველოს ორგზის საუკეთესო მწვრთნელია (2018, 2020).  მუშაობდა „ზესტაფონში“, „საბურთალოში“, თბილისის „ლოკომოტივში“, „დინამო თბილისში“, ასევე საქართველოს 21 წლამდე ნაკრებში. ორჯერ გუნდი ჩემპიონობამდე მიიყვანა.

ბათუმის „დინამოს“ ბოლო ერთი წელი ანდრი დემჩენკო ავარჯიშებდა, რომელიც გუნდის დირექტორთა საბჭომ მთავარი მწვრთნელის პოსტიდან სანაკრებო პაუზის დაწყებისას არადამაკმაყოფილებელი შედეგების გამო გაათავისუფლა.