ოკუპირებული აფხააზეთის ე.წ. საგანგებო სიტუაციების მინისტრმა ლევ კვიცინიამ ე.წ. აფხაზ მებრძოლა რაოდენობა დაასახელა, რომლებიც უკრაინაში დაიღუპნენ.

„დონბასში სპეცოპერაციისას 47 ჩვენი ბიჭი დაიღუპა. ჩვენ საკუთარ თავზე ავიღეთ მიცვალებულთა ცხედრების ჩამოსვენება და ვცდილობთ ოპერატიულ რეაგირებას. ამ პერიოდში 27 დაღუპულის ცხედარი გადმოვასვენებთ. ესენი არიან არა მხოლოდ პიატნაშკას ბრიგადის მებრძოლები, არამედ ემიგრანტები აფხაზეთიდან, რომლებიც გამოიძახეს რუსეთის სხვადასხვა ქალაქებიდან“, - განაცხადა მან.

კვიცინიას თქმით, 2022 წელს ოკუპირებულმა აფხაზეთმა დონბასში 200 ტონამდე ჰუმანიტარული ტვირთი გაგზავნა - სასმელი წყალი, საკვები, ხილი, ციტრუსები. 2023 წელს 80 ტონა გაიგზავნა, წელს - 10 ტონაზე მეტი.