„დასავლური დაზვერვა მიიჩნევს, რომ ჩრდილოეთ კორეის ჯარისკაცების მცირე რაოდენობა, რომლებიც ადრე რუსეთში საწვრთნელად ჩავიდნენ, უკვე უკრაინის ტერიტორიაზე იმყოფებიან“, - ამის შესახებ CNN-ი ორ წყაროზე დაყრდნობით იუწყება.

CNN-ის დასავლური დაზვერვის ერთ-ერთი წყაროს თქმით, „როგორც ჩანს, ბევრი მათგანი უკვე უკრაინის ტერიტორიაზეა“.

ამერიკელმა ოფიციალურმა პირმა ტელეარხთან საუბრისას განაცხადა, რომ ჩრდილოეთ კორეელი ჯარისკაცების უკრაინაში ყოფნის მტკიცებულება აშშ-ს ჯერ არ აქვს.

CNN-ის წყაროები აღნიშნავენ, რომ რუსეთში გაგზავნილი ჩრდილოეთ კორეის სამხედროების უმეტესობა სპეცრაზმელია და ბრძოლის ველზე მათი ეფექტურობის შეფასება ჯერ კიდევ რთულია.