ჩინეთის ეროვნულმა სამედიცინო პროდუქტების ადმინისტრაციამ CanSino-ს Ad5-nCov ვაქცინა სასწრაფო გამოყენების ბუსტერ ვაქცინად მიიღო, განმარტა კომპანიამ "Hong Kong Stock Exchange"-თან განცხადებაში.

კონვიდეციის აირი, ანუ ვაქცინის თხევადი ვარიანტი აეროზოლად ნებულაიზერის (ხელსაწყო რომელიც სასუნთქი გზებისთვის მედიკამენტების მისაწოდებლად, თხევად მედიკამენტს აირადად გარდაქმნის) გამოყენებით იქცევა. ნებულაიზერის მოწყობილობის დახმარებით, ვაქცინა პირიდან შეისუნთქება. CanSino-ს განცხადებით "ვაქცინა SARS-CoV-2-ის წინააღმდეგ იმუნურ თავდაცვით მექანიზმს ერთი შესუნთქვის მხოლოდ და მხოლოდ ერთი შესუნთქვის შემდეგ ააქტიურებს."

SARS-CoV-2-მ კლინიკური ცდების ჩატარების უფლება ჯერ კიდევ 2021 წლის მარტში მიიღო. “The Lancet”-ში გამოქვეყნებული კვლევების თანახმად, კონციდეციის აირს "ძლიერი ჰუმორალური, უჯრედული, და ლორწოვანი იმუნიტეტის განვითარება შეუძლია რათა სამმაგ დაცვას მიაღწიოს."

კომპანიამ განცხადება კვირას გააკეთა. ორშაბათს დილამდე CanSino-ს აქციის ფასი 14.5%-ით გაიზარდა.

ივლისში ჩინელმა მეცნიერებმა კვლევა გამოსცეს სადაც იუწყებოდნენ, რომ პაციენტებმა რომლებმაც სინოვაკით ორჯერადი ვაცქინაციის შემდეგ ერთი CanSino-ს შესასუნთქი ვაქცინა მიიღეს უფრო მეტი ანტისხეული გამოიმუშავეს, ვიდრე პაციენტებმა რომლებიც სინოვაკით სამჯერ აიცრნენ. შესასუნთქი ვაქცინის მიღებიდან ერთი თვის შემდეგ, პაციენტების 92.5% ომიკრონის გამანეიტრალებელი ანტისხეულები განევითარებინათ. 

რაც შეხება სამჯერადი სინოვაკით ვაქცინირებულ პაციენტებს არც ოთხი თვის შემდეგ და არც ექვსი თვის შემდეგ ომიკრონის საწინააღმდეგო ანტისხეულები არ აღმოაჩნდათ. 

CanSino-ს ახალი ვაქცინა ერთდოზიანი ადენოვირუსის ვაქცინის შესასუნთქი ვარიანტია, რომელიც კომპანიამ ჯერ კიდევ 2020 წელს ჩინეთის სამხედრო სამედიცინო მეცნიერების აკადემიასთან თანამშრომლობით შეიმუშავა. ვაქცინა ინფექციის არიდებაში 66%-ით, ხოლო მდგომარეობის გართულების შეჩერებაში 92%-ით წარმატებული იყო. ვაქცინა ჩინეთში, უნგრეთში, მექსიკაში, და მალაიზიაში გაიტანეს. ჩინურმა მთავრობამ და ჯანმომ მისი ბუსტერად და პირველად ვაქცინად გამოყენების რეკომენდაციები გასცეს.

ეფექტური ვაქცინის შესასუნთქი ვარიანტი საკმაოდ პერსპექტიული ინოვაცია ჩანს. 

წყარო: Interesting Engineering 

მოამზადა: ანა მთვრალაშვილი