ბრიტანული დაბალბიუჯეტური ავიაკომპანია „იზიჯეტი“ (easyJet) 2025 წლიდან საქართველოს ავიაბაზარზე შემოდის.

„იზიჯეტი“ თბილისის საერთაშორისო აეროპორტში ლონდონიდან, ჟენევიდან და მილანიდან პირდაპირ ფრენებს კვირაში ორ-ორი სიხშირით შეასრულებს.

პირველი ავიარეისი ჟენევიდან თბილისის მიმართულებით 2025 წლის 31 მარტს შესრულდება. პირველი აპრილიდან კი პირდაპირი ფრენები ლონდონისა და მილანის მიმართულებით დაიწყება.

ბრიტანული მულტინაციონალური ლოუქოსთი „იზიჯეტი“ 29 წლის წინ დაფუძნდა და დღეისათვის 35 ქვეყნის 1000-ზე მეტი მიმართულებით დაფრინავს. ავიაკომპანიის სათავო ოფისი ლონდონის ლუტონის აეროპორტში მდებარეობს.