„მეც შევუერთდები მადლობას კახა კუჭავას მიმართ, მასთან ჩვენს გუნდს და მე პირადად, ძალიან დიდი ხნის მეგობრობა გვაკავშირებს და მე პირადად სუბიექტური ვარ მის მიმართ, მაგრამ ალბათ თამამად შეიძლება საუბარი იმაზე, რომ კახა კუჭავა იყო ძალიან ღირსეული პარლამენტის თავმჯდომარე, რომელიც ძალიან რთულ დროს გამორჩეულად სწორად უძღვებოდა პარლამენტის მუშაობას. მოხარული ვარ, რომ ბევრი საქებარი სიტყვა და მადლობა მოვისმინე არა მხოლოდ უმრავლესობის მხრიდან, არამედ ოპოზიციის წარმომადგენლებიდან.

მახსოვს მისი [კახა კუჭავა] არჩევის დროს, მის მიმართ არა მხოლოდ აგრესიული, არამედ შეურაცხმყოფელი განცხადება. დღეს ეს განცხადებები ჩაანაცვლა მადლობის სიტყვებმა. მე მოგიწოდებთ, რომ კარგად დააკვირდეთ მომდევნო 3 წლის განმავლობაში შალვა პაპუაშვილის საქმიანობას პარლამენტის თავმჯდომარის პოსტზე და მადლობის სიტყვები მას უთხრათ ხოლმე საქმიანობის პროცესში და არ შემოვინახოთ სამომავლოდ. დარწმუნებული ვარ, მომდევნო 3 წლის განმავლობაში ის ბევრ მადლობის სიტყვას დაიმსახურებს“, - განაცხადა ირაკლი კობახიძემ.