აშშ-ისა და დიდი ბრიტანეთის სამხედროებმა იემენში ჰუსიტების სამიზნეებზე იერიში მიიტანეს. აღნიშნულის შესახებ ინფორმაციას The Times of Israel-ი და Reuters-ი ავრცელებენ. 

როგორც უცხოური მედია წერს, დარტყმები განხორციელდა საწყობებზე, სადაც ინახებოდა თანამედროვე იარაღი, საიდანაც ტერორისტები ადენის სრუტესა და წითელ ზღვაში მდებარე გემებს ესროდნენ.

უფრო კონკრეტულად კი, ტელეკომპანია Houthi Al-Masirah-ის ცნობით, ამერიკელმა და ბრიტანელმა სამხედროებმა დარტყმები განახორციელეს იემენის დედაქალაქ სანააზე, ამრანის პროვინციასა და ქვეყნის სხვა ნაწილებზე.

დასავლურმა ჯარებმა ჩაატარეს ცხრა რეიდი სანაში, მის გარეუბნებსა და სხვადასხვა პროვინციაში.