თურქეთში, ფათიჰის რაიონში 17 წლის არასრულწლოვანი საკუთარ ოჯახს დანით თავს დაესხა. ადგილობრივი პოლიციის ცნობით, შემთხვევა ღამის 3 საათზე მოხდა. არასრულწლოვანმა სამზარეულოს დანით ჯერ მძინარე დედა მოკლა, შემდეგ კი, იმავე იარაღით, ოჯახის სხვა წევრებს დაესხა თავს.

არასრულწლოვანის მამა, ბიძა, მამიდა და ბაბუა მძიმედ არიან დაშავებულები.

როგორც თურქული მედია წერს, დაშავებულები ადგილობრივ კლინიკებში გადაიყვანეს, ხოლო 17 წლის ახალგაზრდა პოლიციამ უკვე დააკავა. გავრცელებული ინფორმაციით, მას ფსიქიკური აშლილობა აქვს.