სიტყვით გამოსვლისას დონალდ ტრამპმა განაცხადა, რომ „ამერიკას ახალი ვარსკვლავი ჰყავს.“

„ახალი ვარსკვლავი დაიბადა - ეს ილონ [მასკია]! ის საოცარი ბიჭია. წინასაარჩევნო კამპანიის დროს, მან ორი კვირა გაატარა ფილადელფიაში და პენსილვანიის სხვადასხვა კუთხეში. ამაღამაც ერთად ვისხედით. მხოლოდ ილონ მასკს შეეძლო SpaceX-ის რაკეტის გაშვება, ამიტომაც მიყვარხარ, ილონ!“ - განაცხადა ტრამპმა. 

ტრამპი ასევე მიესალმა ილონ მასკის მიერ ჩრდილოეთ კაროლინაში Starlink-ის საკომუნიკაციო სისტემის გამოყენებას ბოლოდროინდელი ქარიშხლის შემდეგ.

”ეს სისტემა შესანიშნავად მოქმედებს, ილონმა სტიქიისგან ბევრი ადამიანი გადაარჩინა. ამერიკამ უნდა დაიცვას ჩვენი სუპერ გენიოსები, რომლებიც ბევრი არ გვყავს”, - თქვა ტრამპმა.