2023 წლის დასაწყისიდან ექვს თვეში აფხაზეთის სახელმწიფო უსაფრთხოების სამსახურისა და რუსეთის ეფ-ეს-ბე-ს საზღვრის დაცვის დეპარტამენტის თანამშრომლებმა აფხაზეთ-საქართველოს „საზღვარზე“ სასაზღვრო რეჟიმის 400-ზე მეტი დამრღვევი დააკავეს. ამის შესახებ სახელმწიფო ოკუპირებული აფხაზეთის დეფაქტო უსაფრთხოების სამსახურის პრესსამსახურში განაცხადეს.

მათივე ინფორმაციით, გარდა ამისა, ექვსი სისხლის სამართლის საქმე აღიძრა 324-ე მუხლით, რაც „აფხაზეთის რესპუბლიკის სახელმწიფო საზღვრის უკანონო გადაკვეთას“ გულისხმობს.

ექვს თვეში მდინარე ენგურზე საქონლის უკანონოდ გადატანის რვა მცდელობა აღიკვეთა, 600-ზე მეტი ბლოკი სიგარეტი და ექვსი მაინერი ამოიღეს.