ინგლისის ქალაქ ჰამბერსაიდში, 13 წლის გოგონას 6 არასრულწლოვანი, გზის პირას, თავს დაესხა და ის კისრის, მუცლის, გულმკერდისა და ზურგის არეში დაჭრა. გავრცელებული ინფორმაციით, ექვსი მოზარდის დაკითხვა გრძელდება, ხოლო გოგონა საავადმყოფოში "კრიტიკულ, თუმცა სტაბილურ" მდგომარეობაში, იმყოფება. 

„თავდამსხმელებს შორის ოთხი ბიჭი 14, 15, 16 და 17 წლისაა, ხოლო ორი გოგონა, 14 და 15 წლის. ისინი ტყიან ადგილას ვიპოვეთ და მკვლელობის მცდელობის ბრალდებით დავაკავეთ. ბოლო 24 საათის განმავლობაში, დეტექტივები ადგენდნენ, თუ რატომ მოხდა ეს ინციდენტი და თავდასხმის გარემოებებს იკვლევდნენ. ასევე დადგინდა, რომ თავდამსხმელები გოგონას პირადად იცნობდნენ. მათი დაკითხვა გრძელდება,“ - ნათქვამია პოლიციის განცხადებაში.