ხათუნა 19 წლის გათხოვდა, 18 წლის შემდეგ კი იყო გაშორება. ამის შემდეგ მას ოჯახი აღარ შეუქმნია.

ხათუნა ხოფერია „სარკესთან“ საუბრობს იმ პერიოდზე, როდესაც მას ყოფილი მეუღლის დაკრძალვა საკუთარი სახლიდან მოუწია.

„როცა დარეკა და შვილებს უთხრა, ცუდად ვარო, ბიჭები გაიქცნენ, მაგრამ ვეღარაფერი უშველეს. დავკრძალეთ იმ სახლიდან, სადაც ყველანი ერთად ვცხოვრობდით ბედნიერები. როგორ შემეძლო, ასე არ მოვქცეულიყავი?!

ჩემს ცხოვრებაში მან შექმნა ყველაფერი… სიყვარული არსად წასულა, ჩემი 18 წელი მუდმივად ჩემთან არის თავისი სიხარულით, ტკივილით, ჩხუბით… დაკრძალვამდე 20 წუთით ადრე გავიფიქრე, რომ მიდიოდა ადამიანი, რომელიც ერთ დროს სიგიჟემდე მიყვარდა და ისე ავღრიალდი, ვერ მაჩერებდნენ“,- ამბობს ყოფილი პარლამენტარი.