„შავმა ლომმა“ ჩელენჯ თასის ბოლო ტურის შეხვედრაში თბილისში, მიხეილ მესხის სახელობის სტადიონზე ფრანგულ „კლერმონს“ უმასპინძლა და 3:36 დამარცხდა.

სტუმრებმა ანგარიში ტაიმის დასაწყისშივე ზუსტი საჯარიმო დარტყმით გახსნეს. შეხვედრის პირველი ნახევარი მათი უპირატესობით წარიმართა და ტაიმის ბოლომდე ორი ლელოს დადება მოახერხეს, რასაც „შავი ლომის“ მორაგბეებმა ერთი ზუსტი ჯარიმით უპასუხეს და ტაიმი ფრანგებმა 17:3 მოიგეს.

თამაშის სურათი არც მეორე ტაიმში შეცვლილა – ფრანგები უპირატესობას ფლობდნენ, შეხვედრის ბოლომდე კიდევ სამი ლელოს დადება მოახერხეს, საბოლოოდ ბონუსქულით გაიმარჯვეს და გათამაშების პლეი ოფში გავიდნენ.

შეგახსენებთ, რომ „შავმა ლომმა“ ჩელენჯ თასზე გამოსვლა ერთ მოგებითა და სამი მარცხით დასრულა.