“საქართველო მზად არის” – ამ სათაურით მომღერალი ნუცა ბუზალაძე სოციალურ ქსელში ფოტოს აქვეყნებს. მომღერალი “ევროვიზიის” გახსნის ცერემონიისთვის ემზადება.

მომღერალს კომენტარებში თაყვანისმცემლები წარმატებებს უსურვებენ. “ჩვენ გვჯერა შენი გამარჯვების ნუცა”, “წარმატებებს გისურვებ” “გამარჯვება ნუცა”, – უწერენ მიმდევრები.

შეგახსენებთ, რომ ნუცა ბუზალაძე კონკურსზე 9 მაისს, მე-11 ნომრად იმღერებს.

Firefighter – ასე ჰქვია 2024 წლის საქართველოს საკონკურსო სიმღერას, რომელიც დარკო დიმიტროვმა და ადა სატკამ სპეციალურად ნუცასთვის დაწერეს.

საქართველოსთან ერთად, მეორე ნახევარფინალში იმღერებენ: ავსტრია, მალტა, შვეიცარია, საბერძნეთი, ჩეხეთი, ალბანეთი, დანია, სომხეთი, ისრაელი, ესტონეთი, ნიდერლანდები, ნორვეგია, ლატვია, სან-მარინო და ბელგია.

რაც შეეხება პირველ ნახევარფინალურ შოუს, აქ წარდგებიან: უკრაინა, კვიპროსი, პოლონეთი, სერბეთი, ლიეტუვა, ხორვატია, ირლანდია, სლოვენია, ისლანდია, ფინეთი, პორტუგალია, ლუქსემბურგი, ავსტრალია, აზერბაიჯანი და მოლდოვა.

თითოეული ნახევარფინალიდან ფინალში მხოლოდ 10-10 ქვეყანა გადადის.

პირველ ნახევარფინალში გერმანია, შვედეთი და დიდი ბრიტანეთი წარდგებიან, მეორე ნახევარფინალში კი – საფრანგეთი, იტალია და ესპანეთი.

შეგახსენებთ, რომ ევროვიზიის სიმღერის კონკურსი 7, 9 და 11 მაისს შვედეთის ქალაქ მალმეში, Malmö Arena-ზე გაიმართება.