სერია A-ს 35-ე ტურში „ნაპოლი“ გასვლაზე „მონცასთან“ 0:2 დამარცხდა.

ამ მატჩს ნეაპოლელთათვის პრაქტიკული მნიშვნელობა არ ჰქონდა, მწვრთნელმა ლუჩანო სპალეტიმ ხვიჩა კვარაცხელია ისევ არ დააყენა ძირითად შემადგენლობაში და 46-ე წუთზე შეუშვა შეცვლაზე.

ნაკლებად სანახაობრივ პირველ ტაიმში მასპინძლები შედარებით უკეთ გამოიყურებოდნენ და მოტას გოლით დაწინაურდნენ. შესვენების შემდეგ გოლინის კარი პეტანიამ დალაშქრა და „მონცა“ 2:0 გავიდა წინ. მალე მესამე გოლისგან „ნაპოლი“ გოლინიმ იხსნა. აქედან მოყოლებული სტუმრები უპირატესობას დაეუფლენ, მსაჯმა ორ ეპიზოდში პენალტის დანიშვნა საჭიროდ არ მიიჩნია, კვარაცხელიას დარტყმულ ბურთს მეკარე გრეგორიო დაეუფლა, ზილენსკიმ

შანსი ვერ გამოიყენა და "ნაპოლიმ" სეზონში მეოთხე მარცხი განიცადა.

„ნაპოლი“ შემდეგ შეხვედრას 21 მაისს სახლში „ინტერთან“ გამართავს და როგორც სპალეტიმ თქვა, სულ სხვა თერთმეტეულით დაიწყებს თამაშს, ალბათ, ოპტიმალური იგულისხმა.