რუსეთის უშიშროების საბჭოს მდივნის მოადგილე დიმიტრი მედვედევი რუსეთ-საქართველოს ომს კიდევ ერთხელ იხსენებს. ამჯერად „რაშა თუდეისთან“ ინტერვიუში მან საქართველოსთან ომი უკრაინის ჭრილში ახსენა და განაცხადა, რომ უკრაინის კონფლიქტი და 2008 წლის აგვისტოს მოვლენები ე.წ. სამხრეთ ოსეთში ერთი და იგივე ჯაჭვის რგოლია.

მისი თქმით, მაშინ აშშ ცდილობდა შეექმნა ისეთი მოდელი, რომელიც პირდაპირ გავლენას მოახდენდა რუსეთის მახლობლად სასაზღვრო ვითარებაზე, გარკვეული გაგებით, მოგვაშორებდა, იქ ისეთი რუსოფობიური ანკლავი შეეექმნა.

"ეს იყო ტესტი. წარუმატებელი", - თქვა მედვედევმა.

მან ხაზგასმით აღნიშნა, რომ საქართველო პატარა ქვეყანაა, მათი შეიარაღებული ძალები მცირეა, მიუხედავად იმისა, რომ მათით ამერიკელები იყვნენ დაკავებულნი, მაგრამ მასშტაბები მაინც არ არის.

„რაც შეეხება უკრაინას, ეს სრულიად განსხვავებული ვითარებაა, მიუხედავად იმისა, რომ ისინი უკვე იყვნენ, მათ შორის ამერიკელები, როგორც ჩვენი მთავარი გეოპოლიტიკური ოპონენტები, ისწავლეს საქართველოს გამოცდილებიდან, ამიტომ ააშენეს თავდასხმის ხაზი სხვადასხვა მიმართულებით. ეკონომიკური სანქციებიდან მომაკვდინებელი იარაღის პირდაპირ მიწოდებამდე“, - განაცხადა განაცხადა მედვედევმა.