კომპანია „ბადაგონი“ სამონასტრო კომპლექსის მშენებლობას იწყებს.  კომპლექსი ზემო  ხოდაშენში,  „ბადაგონის“ მეღვინეობის  მიმდებარედ აშენდება და ტაძარი, დასრულებული სახით საპატრიარქოს გადაეცემა.

2006 წელს, როდესაც, საქართველოს კათოლიკოს-პატრიარქმა, ილია II-მ  ალავერდის ეპარქია მოილოცა და   „ბადაგონის“  მეღვინეობა მოინახულა,სწორედ უწმინდესის  ლოცვა-კურთხევით, ბადაგონის სავენახე სივრცეში   ტაძრის აგების იდეა გაჩნდა. სამონასტრო კომპლექსის მშენებლობის დაფინანსება   საკუთარ თავზე,   „ბადაგონის მეღვინეობამ“ აიღო და შეიქმნა ტაძრის პროექტი.

 მამა დავით, აბბა ალავერდელი მიტროპოლიტის  ლოცვა-კურთხევით,  საფუძველი ჩაეყარა ღირსი მამა გიორგი მთაწმინდელის სახელობის ტაძრის მშენებელობას.

ტაძრის საძირკველი 3 ოქტომბერს, მეუფე დავით, აბბა ალავერდელის მიერ იკურთხა.

ტაძარი   სამნავიანი იქნება, ორი ტრაპეზით:  ღირსი მამა გიორგი მთაწმინდელის და  დიდმოწამე ევსტათი პლაკიდას სახელობის.

ალავერდის ეპარქიასთან, „ბადაგონს“ მრავალწლიანი ურთიერთობა აკავშირებს. სწორედ, ბადაგონის დაფინანსებით მოხდა, ალავერდის მონასტრის რეაბილიტაცია,  აღდგა და ამოქმედდა, მონასტრის 11-ე საუკუნის ისტორიული მარანი.  მოხდა, დავიწყებას მიცემული, ქვევრის ღვინის დაყენების ტრადიციული ტექნოლოგიური წესის აღდგენა. ასევე, ალავერდის მამათა მონასტრის სიძველეთსაცავის აღდგენა - განახლება. მონასტრის მიმდებარედ, მაწვნის სახლის რეაბილიტაცია. ამოქმედდა,   ქვევრის სკოლა -აკადემია იყალთოში და შეიქმნა ვიზიტორთა მართვის ცენტრი "შუამთის კარიბჭე".