დღეს ეროვნულ ბანკს ყველა რესურსი გააჩნია იმისთვის, რომ ყველა საფრთხე თავიდან აიცილოს, - ამის შესახებ პროფესორმა, ვლადიმერ პაპავამ გადაცემაში „იმედი LIVE“ განაცხადა.

„ყველას უნდა ახსოვდეს, რომ ლარი და ჩვენი საბანკო სისტემა მთლიანად ქვეყნის მონაპოვარია და მას ყველა უნდა გავუფრთხილდეთ. ოპოზიცია რომ ხელისუფლებაში მოვიდეს, ლარი და საბანკო სისტემა არ სჭირდება?! ჩამონგრეულს ასე სწრაფად ვერ აღადგენ და ეს უნდა გააცნობიეროს ყველამ, ვინც ხელისუფლებაშია და კიდევ უფრო მეტად ოპოზიციაშია - კი ბატონო, ებრძოლე ხელისუფლებას, ებრძოლე თამაშის წესებით, თავი დაანებე ლარს, სავალუტო ბაზარს და საბანკო სისტემას“, - აღნიშნა ლადო პაპავამ.