ექსპრეზიდენტის დედა, გიული ალსანია გამოეხმაურა კლინიკა „ვივამედის“ ექიმების განცხადებას კვებისა და კალორაჟის შესახებ. ალასანიას თქმით, “სააკაშვილი არის მოწამლული და ვერ იღებს საკვებს, ეს არაერთმა ექიმმა თქვა”. 

„რას ნიშნავს რეკომენდაციებს არ ითვალისწინებს?! ბატონი ზურაბი არის ექიმი და მან არაერთხელ მოისმინა დასაბუთება იმის, რომ ადამიანი არის მოწამლული და მის ორგანიზმში მძიმე მეტალებია. როგორ ფიქრობს, ადამიანი რამდენი თვე გაძლებს ასეთ მდგომარეობაში და ასეთი ადამიანი, როგორ შეიძლება ნორმალურად იკვებებოდეს, რომლის სხეულში მძიმე მეტალებია. ადამიანი არის მოწამლული და ვერ იღებს საკვებს, ეს არაერთმა ექიმმა თქვა. რომელ ექსპერტებს არ უნახავთ ანალიზების პასუხები, ძალიან მაინტერესებს?! ამერიკელმა ექიმებმა, ყველამ ყველაფერი ნახა, სხვათა შორის ქართველებმაც, როგორ არ ნახეს, “ემპათიის” ექიმებმაც ნახეს.

ახლა მოვუტანე: ქათმის ნახარში, მჭადი, ვაშლის ალადები, შოკოლადი, პური, კიტრი. მე კალორაჟი არ გამიზომია, მე ვიცი ჩემს შვილს რა შეუძლია მიიღოს. იმაზე მეტს ვერ იღებს! ამასაც ვერ იღებს ხოლმე, სწორედ იმავე მიზეზით, რომ მოწამლულია. ზონდით არ იღებს საკვებს და მორჩა!“ - განაცხადა ალასანიამ.

ცნობისთვის, დღეს “ვივამედის” ექიმებმა განაცხადეს, რომ “სააკაშვილი 300-400 კალორიას იღებს დღეში, აუცილებელი კი მინიმუმ 1 700-ია”.