ვაშინგტონში, აშშ-ის საერთაშორისო განვითარების სააგენტოს (USAID) შენობიდან აბრა ჩამოხსნეს.

ვიდეო სოციალური ქსელით ვრცელდება:

USAID-ში კორუფციამ უპრეცედენტო დონეს მიაღწია - დახურეთ ის, - განაცხადა აშშ-ის პრეზიდენტმა, დონალდ ტრამპმა.

„USAID-ი რადიკალურ მემარცხენეებს აგიჟებს, და მათ არაფერი შეუძლიათ ამის წინააღმდეგ, რადგან ფული ისე დაიხარჯა – დიდი ნაწილი თაღლითურად – რომ ამის ახსნა სრულიად შეუძლებელია. კორუფციამ უპრეცედენტო დონეს მიაღწია. დახურეთ ის!“ - დაწერა დონალდ ტრამპმა სოციალურ ქსელში.

„USAID-ის მკვლელობა არის ყველგან ავტოკრატების გამარჯვება“, – ასეთი სათაურით აქვეყნებს გამოცემა „ნიუ-იორკ თაიმსი“ აშშ-ის განვითარების საერთაშორისო სააგენტოს ყოფილი ხელმძღვანელის, სამანტა პაუერის წერილს, რომელიც ამ თანამდებობას 2021-2025 წლებში იკავებდა.