28/01/2025
13:24
მსოფლიო
.jpg)
აშშ-ს პრეზიდენტმა დონალდ ტრამპმა იხუმრა, რომ პრეზიდენტობაზე მესამედ კენჭისყრის შესაძლებლობას არ გამორიცხავს.
როგორც „ენბისი“ იუწყება, ტრამპმა განაცხადა, რომ 100%-ით არაა დარწმუნებული, რომ კონსტიტუცია უკრძალავს პრეზიდენტად მესამედ კენჭისყრას.
„მე შევაგროვე ბევრი ფული შემდეგი რბოლისთვის, რომლის გამოყენებაც, როგორც ვვარაუდობ, ჩემთვის ვერ შევძლებ, მაგრამ მე არ ვარ 100%-ით დარწმუნებული, რადგან არ ვიცი. ვფიქრობ, რომ მე აღარ შემიძლია კენჭისყრა”, – თქვა ტრამპმა რესპუბლიკელების აუდიტორიის წინაშე მაიამიში სიტყვით გამოსვლისას.
სიცილის ფონზე ტრამპი რესპუბლიკელების ლიდერს მაიკ ჯონსონს მიუბრუნდა და დაამატა: „არ ვარ დარწმუნებული, შემიძლია თუ არა კვლავ კენჭისყრა? მაიკ? ჯობია არ ჩაგითრიო ამ დავაში“.
როგორც ამერიკული მედია წერს, ტრამპს ადრეც უხუმრია აშშ-ის პრეზიდენტის პოსტზე მესამედ კენჭისყრის შესაძლებლობაზე.
0
0
