როგორც Reuters-ს ორმა წყარომ განუცხადა, ტრამპის ადმინისტრაცია ჯანდაცვის მსოფლიო ორგანიზაციის რეფორმირების გეგმას განიხილავს, ასევე საუბარია ორგანიზაციის ხელმძღვანელად ამერიკელი პირის დანიშვნაზე, რათა აშშ ჯანმო-ს წევრი დარჩეს.

,,ჯანმოს რეფორმირების წინადადება ტრამპის თანამდებობაზე მოსვლამდეც განიხილებოდა, თუმცა უცნობია მიიღებს თუ არა მისი ადმინისტრაცია სხვა რეკომენდაციებს. აღნიშნული ინიციატივის თანახმად, 2025 წელს ჯანმოს ხელმძღვანელად აშშ-ის სპეციალური წარმომადგენელი დაინიშნება, რომელიც ტრამპს და თეთრ სახლს უშუალოდ უზრუნველყოფს საჭირო ინფორმაციით. არსებითად, აღნიშნული პირი პასუხისმგებელი იქნება აშშ-ის წარმომადგენლობაზე და ზედამხედველობას გაუწევს ჯანდაცვის მსოფლიო ორგანიზაციაში მიმდინარე ცვლილებებს,“ - თქვა ორმა წყარომ.

,,ტრამპის ადმინისტრაცია განაგრძობს მიმდინარე პროცესებისა და ჯანდაცვის ორგანოების მიერ საჭირო რეფორმების განხორციელების საკითხების განხილვას“, - განუცხადა თეთრი სახლის სპიკერმა კუშ დესაიმ Reuters-ს. მან ჯანდაცვის მსოფლიო ორგანიზაციის შესახებ დისკუსიებზე კომენტარი არ გააკეთა. 

როგორც ცნობილია, ჯანმო-დან გასვლის შესახებ ტრამპის აღმასრულებელი ბრძანება, თანამდებობის დაკავებისთანავე განხორციელებული მისი პირველი პოლიტიკური გადაწყვეტილება იყო.