ეს სრულიად გაუმართლებელი და არასასურველი ომია, რომელიც უფრო და უფრო სასტიკი ხდება ცივილიზებული სამყაროსთვის. რუსეთი ვერ ახერხებს ქალაქების აღებას, რადგან უკრაინელები მათ უდიდეს წინააღმდეგობას უწევენ, ამიტომ ისეთივე ხერხს მიმართავენ, როგორსაც სირიასა და ჩეჩნეთში. ბომბავენ განურჩევლად ყველაფერს, მათ შორის კლინიკებს, საცხოვრებელ სახლებს, ტროტუარებსა და მათ მიმდებარე ტერიტორიებს. ვფიქრობ, ბევრი მიზეზი არსებობს იმისთვის, რომ პუტინი გასამართლდეს. ევროპის ისტორიასა და გლობალურ გეოპოლიტიკაში ახალი ფურცელი გადაიშალა. ამიერიდან, ევროპისა და რუსეთის ურთიერთობა რადიკალურად განსხვავებული იქნება.