ხვიჩა კვარაცხელიას საგოლე გადაცემით „ნაპოლიმ“ ჩემპიონთა ლიგაზე ბერლინში „უნიონი“ დაამარცხა. ქართველის პასით მატჩის ერთადერთი გოლი ჯაკომო რასპადორიმ გაიტანა.

ქართველმა თავდამსხმელმა ორივე გუნდში საუკეთესო შეფასება მიიღო. ხვიჩა კვარაცხელიას საფეხბურთო პორტალებმა, Whoscored-მა და Flashscore-მა 8.1 ქულა დაუწერეს, ხოლო Sofascore-მა – 7.8 ქულა.

რაც მთავარია, 22 წლის ფეხბურთელი მატჩის საუკეთესო მოთამაშედ ტურნირის ორგანიზატორმა, უეფა-მ აღიარა და სპეციალური ჯილდო გადასცა.

შეგახსენებთ, რომ ხვიჩა კვარაცხელიამ „უნიონ ბერლინთან“ საგოლე გადაცემა მატჩის 65-ე წუთზე შეასრულა. მან ორი მცველი ეფექტურად ჩამოიცილა და საკუთარი თანაგუნდელი კარგ პოზიციაში მონახა.