„ნიკოს შოუს“ ბენდი ნიკო ნანიტაშვილის, მანუ მურღულიას და ამიკო ჩოხარაძის შემადგენლობით ყაზახეთში, კერძოდ, ალმა ათაში გამართული მუსიკალური დაჯილდოების ერთ-ერთი ნომინანტი და გამარჯვებული გახდა.

„კიზიკ პრემია“ ყაზახეთში წელიწადში ერთხელ რესპუბლიკის დარბაზში იმართება.

„წლის საუკეთესო ტრენდი“ – ქართულმა ჯგუფმა ამ ნომინაციაში გაიმარჯვა.

„ქართული დისკო“ იტალიური სიმღერის ვერსიაა, რომელიც ქართველების შესრულებით ორიგინალზე მეტად პოპულარული გახდა უკრაინაში, ბელორუსსა და ყაზახეთში.

ბენდის წევრები „ინსტაგრამზე“ დაჯილდოების ცერემონიიდან უამრავმა ადამიანმა მონიშნა.