Reuters-ის ინფორმაციით, ვენესუელას ოპოზიციონერი ლიდერი მარია კორინა მაჩადო თავისუფალია და ის „უსაფრთხო ადგილას“ იმყოფება. მაჩადო კარაკასში ანტისამთავრობო მსვლელობის დროს დააკავეს. ის ხელმძღვანელობს, რომლებიც მიმართულია პრეზიდენტ ნიკოლას მადუროს წინააღმდეგ. მადუროს მესამე ვადით ინაუგურაცია 10 იანვარს არის დაგეგმილი.

„ახლა უსაფრთხო ადგილას ვიმყოფები და უფრო შეუპოვრად ვარ, ვიდრე ოდესმე იმისთვის, რომ თქვენთან ერთად ბოლომდე ვიბრძოლო!“, - წერს მაჩადო X-ზე.

მაჩადოს მხარდამჭერების განცხადებით, ოპოზიციის ლიდერი ძალადობრივად დააკავეს, როდესაც ის მსვლელობას ტოვებდა. იმავდროულად, მადუროს მომხრეებმა მაჩადოს დაკავება არ დაადასტურეს და ოპოზიცია, საერთაშორისო კრიზისის წარმოქმნის მიზნით, ყალბი ამბების გავრცელებაში დაადანაშაულეს.