მსჯავრდებული გიორგი მამალაძის ძმა სტრასბურგის სასამართლოს გადაწყვეტილებას ეხმაურება და წერს, რომ ახლა მნიშვნელოვანია, სახელმწიფომ გადადგას ქმედითი ნაბიჯები და გაათავისუფლოს დეკანოზი.

"უნდა გვესმოდეს, რომ ჩემი ძმის მდგომარეობა არის უმძიმესი! მისი პატიმრობაში დატოვებით შესაძლოა დადგეს უმძიმესი, ლეტალური შედეგიც კი! ეს კი არც სახელმწიფომ და არც საზოგადოებამ არ უნდა დაუშვას!" - წერს თორნიკე მამალაძე ფეისბუკზე და მადლობას უხდის ყველა მხარეს ევროსასამართლოში დამდგარი შედეგის შემდეგ.

ადამიანის უფლებათა ევროპულმა სასამართლომ ე.წ. ციანიდის საქმეზე დეკანოზ გიორგი მამალაძის საქმეზე გადაწყვეტილება მიიღო და კონვენციის რამდენიმე პუნქტის დარღვევა დაადგინა.