უკრაინა დროებით უარს ამბობს ნატოში გაწევრიანების ნაბიჯების გადადგმაზე

უკრაინა დროებით უარს ამბობს ნატოში გაწევრიანების ნაბიჯების გადადგმაზე - იგორ ჟოვკვა

26/06/2022

00:20

მსოფლიო

A-

უკრაინის პრეზიდენტის ოფისის ხელმძღვანელის მოადგილის იგორ ჟოვკვას განცხადებით, უკრაინა დროებით უარს ამბობს ნატოში გაწევრიანებისთვის გადასადგმელ ნაბიჯებზე. ამის შესახებ მან Financial Time-ისთვის მიცემულ ინტერვიუში განაცხადა.

მისივე თქმით, მოკლევადიან პერიოდში ნატოში გაწევრიანება შეუძლებელია.

„ნატოს წევრებმა უარყვეს ჩვენი მისწრაფებები. ამ ეტაპზე სხვას ვერაფერს გავაკეთებთ“, - აცხადებს ჟოვკვა.

აღსანიშნავია, რომ მადრიდის სამიტზე ნატო სახელმძღვანელო დოკუმენტის ახალ ვერსიას - სტრატეგიულ კონცეფციას მიიღებს. წინა ვერსია ავალდებულებს ჩრდილოატლანტიკურ ალიანსს განავითაროს პარტნიორობა უკრაინასთან. ახალ გამოცემაში ნატომ კიდევ ერთხელ უნდა დაადასტუროს ეს პარტნიორობა.

297