თურქი ფეხბურთელი მერიჰ დემირალი ნაციონალისტური ორგანიზაციის, „რუხი მგლების“ მხარდამჭერი ჟესტის გაკეთების გამო დისკვალიფიცირებულია.

უეფა-ში განაცხადეს, რომ დემირალმა დაარღვია ქცევის საყოველთაოდ მიღებული წესები და ფეხბურთს დიდი რეპუტაციული ზიანი მიაყენა.

თურქმა ფეხბურთელმა ულტრამემარჯვენე დაჯგუფების მხარდამჭერი ჟესტი ავსტრიის ეროვნულ ნაკრებთან გამარჯვების შემდეგ გააკეთა. ამის გამო დემირალი ორ მომდევნო თამაშს გამოტოვებს.

თავად თურქმა სპორტსმენმა განაცხადა, რომ სადავო ჟესტი თურქეთის ეროვნული ნაკრების გამარჯვებისას, ეიფორიის დროს საკუთარი ქვეყნით სიამაყის ნიშნად გააკეთა.

თურქეთში უეფა-ს გადაწყვეტილებას უსამართლო უწოდეს.