„მოსახლეობას მივმართავ და ვთხოვ: ამ ეტაპზე, უსიმპტომო ადამიანების ტესტირებასა და კონტაქტებს არავითარი მნიშვნელობა არ აქვს. ნუ გადავტვირთავთ ამით ლაბორატორიებს. იცით, როგორი რიგებია ლაბორატორიებთან მიმართებით. აქედან გამომდინარე, თუ კონტაქტირებული და უსიმპტომო ხართ, შებრძანდით ჩვენს Facebook-გვერდზე და იქ დიაგრამის სტილშია წარმოდგენილი, თუ რა უნდა გააკეთოთ. 8 დღე სახლში უნდა ბრძანდებოდეთ. დღეს საბჭოზე შევედით წინადადებით, რომ 1-ლი თებერვლიდან, გარდა სამედიცინო პერსონალისა, უსიმპტომო პირების ე.წ. სისტემური ტესტირება გარკვეული პერიოდით შევაჩეროთ და იყოს მხოლოდ სიმპტომებიანი ადამიანების ტესტირება როგორც სწრაფი, ისე - PCR-ტესტებით“, აღნიშნა ამირან გამყრელიძემ.