წინასწარი ინფორმაციით, მიზეზი მხუთავი აირის გაჟონვა გახდა. გაზის გაჟონვა დაზიანებული დანადგარის გამო მოხდა.

გარდაცვლილი ახალგაზრდა სახლში მარტო იყო. გარდაცვლილი გოგო დედამ იპოვა.

როგორც  შინაგან საქმეთა სამინისტროში განაცხადეს, მომხდარზე გამოძიება 240-ე პრიმა მუხლის მეორე ნაწილით დაიწყო, რაც ელექტრო - ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას გულისხმობს, რასაც ადამიანის სიცოცხლის მოსპობა მოჰყვა. ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.