თბილისში შარდენის ქუჩაზე რამდენიმე ღამის კლუბში კრიმინალური პოლიციის დეპარტამენტის მიერ ჩატარებული სპეცოპერაციის შედეგად 10-ზე მეტი პირი დააკავეს. მათ ბრალი ედებათ თაღლითობასა და გამოძალვაში.

გამოძიების ინფორმაციით, დაკავებულები ორგანიზებულ დაჯგუფებას წარმოადგენდნენ, რომლებიც ღამის კლუბში მისულ უცხო ქვეყნის მოქალაქეებს ანგარიშსწორებისას თანხას სძალავდნენ, თანხის არ გადახდის შემთხვევაში კი, სხვადასხვა ძალადობრივი მეთოდით ცდილობდნენ თანხის დაუფლებას. ცენტრალური კრიმინალური პოლიციის დეპარტამენტის დირექტორის განცხადებით, საქმეში სავარაუდოდ ახალი ფიგურანტებიც გამოიკვეთებიან.