უკრაინული „სარმატი“ 7×7 ფეხბურთში თბილისში დასრულებული საერთაშორისო საკლუბო ჩემპიონატის (Socca Gran Prix 7) პირველი გამარჯვებულია.

ფინალი „მზიურის“ პარკში „მასტერ ლიგა არენაზე“ გაიმართა და „სარმატს“ ქართული „რევაინი“ დაუპირისპირდა. მატჩის ძირითადი დრო 1:1 დასრულდა, გამარჯვებული კი პენალტების (ბულიტების) სერიაში გამოვლინდა, რომელიც უკრაინელებმა უკეთ შეასრულეს და ტურნირის პირველი გამარჯვებული გახდა.

ფინალის დასრულების შემდეგ დაჯილდოების ცერემონია გაიმართა, სადაც ჩემპიონატის საუკეთესო ფეხბურთელები გამოვლინდნენ:

საუკეთესო მეკარე: სვიატოსლავ მარკანიჩი („სარმატი“, უკრაინა)

საუკეთესო მცველი: ბექა რაზმაძე („რევაინი“, საქართველო)

უნივერსალი ფეხბურთელი: მოატასიმ აშამსი („ალჰარა“, ომანი)

საუკეთესო ასისტენტი: ირაკლი კლიმიაშვილი („ბეთლაივი“, საქართველო)

საუკეთესო ბომბარდირი: ვინსენე ტომა („სპორტინგ კარპატიანსი“, ბელგია)

საუკეთესო მენეჯერი: ალექსანდ კოლესნიკოვი („სარმატი“, უკრაინა)

Fair Play: ალექსანდ კოლესნიკოვი („სარმატი“, უკრაინა)

საუკეთესო ფეხბურთელი: სვიატოსლავ მარკანიჩი („სარმატი“, უკრაინა)

საერთაშორისო საკლუბო ჩემპიონატი (Socca Gran Prix 7) საქართველოს 7×7 ფეხბურთის ასოციაციის, სოკა ჯორჯია ფეხბურთის და International socca federation-ის ერთობლივი ორგანიზებით გაიმართა. საქართველო აღნიშნულ ტურნირს კიდე ორი წლის განმავლობაში უმასპინძლებს. ტურნირის მხარდამჭერები არიან ქალაქ თბილისის მუნიციპალიტეტის მერიია, ქართული ფეხბურთის განვითარების ფონდი და საქართველოს ფეხბურთის ფედერაცია.