პარიზის 2024 წლის ოლიმპიადაზე დღეს თავისუფალი სტილით მოჭიდავე ორი ქართველი ასპარეზობს. შეჯიბრზე პირველი შეხვედრა ჩაატარა დებიუტანტმა გოდერძი ძებისაშვილმა (65 კგ). ქართველი ფალავანი მერვედფინალში ტურნირზე პირველ ნომრად განთესილ სომეხ ვაზგენ ტევანიანთან დამარცხდა და ბრინჯაოს მედლის მოპოვების შანსს იმ შემთხვევაში შეინარჩუნებთ,თუ სომეხი სპორტსმენი ფინალში გავა.

წინასწარი შეხვედრები 13:15 საათიდან დაიწყო. შეგახსენებთ, რომ დღეს თავისუფალი სტილით მოჭიდავე გენო პეტრიაშვილი (125 კგ) ოლიმპიადის ფინალში ზედიზედ მეორედ იასპარეზებს.

ქართველი ფალავანი თავის პრინციპულ მეტოქეს, ირანელ ამირ ზარეს დაუპირისპირდება.

ფინალური ბლოკი, რომელშიც გენო პეტრიაშვილი ოლიმპიური ოქროსთვის იჭიდავებს, 21:00 საათიდან დაიწყება.