ივა გელაშვილმა იტალიური „სპეცია“ დატოვა, თბილისის „იბერიაში“ ვარჯიშობს და შესაძლოა, კარიერა სწორედ დედაქალაქურ კლუბში გააგრძელოს.

საქართველოს ახალგაზრდული ნაკრების ყოფილი მცველი იტალიის სერია B-ს გუნდში ზუსტად ერთი წლის, ახალგაზრდულ ევროპის ჩემპიონატამდე გადავიდა. მაშინ ის „საბურთალოში“ (ამჟამინდელი „იბერია“) იჯარით თამაშობდა. გელაშვილის ტრანსფერი ბათუმის „დინამოს“ ეკუთვნის და „სპეციაში“ ფეხბურთელი იჯარის წესით სწორედ ამ გუნდიდან გადავიდა, სადაც 9 მატჩი ჩაატარა და ერთი გოლი გაიტანა.

„„სპეციამ“ გადაწყვიტა, არ გამოეყენებინა ივა გელაშვილის ტრანსფერის გამოსყიდვის პუნქტი და აღარ შეინარჩუნა ქართველი ცენტრალური მცველი, რომელიც ბათუმის „დინამოში“ დაბრუნდება“, – ამას გამოცემა cittadellaspezia წერს.