სოხუმის დე ფაქტო საგარეო საქმეთა მინისტრმა ინალ არძინბამ გადადგომის შესახებ განცხადება დაწერა. ამის შესახებ News Abkhazia იუწყება.

გამოცემის წყაროს ინფორმაციით, არძინბამ უკვე აცნობა ე.წ. სამინისტროს კოლექტივს, რომ გადადგომას აპირებს და საქმიანობას რუსეთში გააგრძელებს.

არძინბა სოხუმის დე ფაქტო საგარეო საქმეთა მინისტრის თანამდებობას 2021 წლის ნოემბრიდან იკავებს. მედიაში რამდენჯერმე გავრცელდა ინფორმაცია, რომ მას და სოხუმის დე ფაქტო ლიდერს, ასლან ბჟანიას შორის საკმაოდ დაძაბული ურთიერთობებია.